asar talaga. sana indi na lang in-add ng inblack-club ung aking tula kung aalisin din lang naman nila!!!! grrrrrrrrrrrr..... nakakasama pa lalo ng loob.. parang nang-aasar pa. talo na nga, pinaasa pa ako. haaay naku..
munting pag-aasam... isang pagkakamali... pag-aasam na imposibleng maisakatuparan. isang pagnanasa na maitatago sa madilim na sulok ng aking nagdurugong pusong itim...
awww sheesh.. snap out of it.. *lma0*
minsang pag-aasam na maging nimpa ng iyong panulaan,
maging prinsesang nakaupo sa bawat salitang nakalalango ng emosyon,
maging musa sa palabaybaying kahawak-kamay ang talinghaga,
mabalot sa pagitan ng mga linya ng lirikong sinusubuan ng insenso,
lumangoy sa kalaliman ng karagatan ng mga salitang paulit-ulit na sinisisid.
aking mga mata'y kay riin ng pagkakapikit, upang mabalot ng dilim,
upang sa pagdilat ay malunod ng liwanag ng iyong ngiti
kasabay ng bawat paghinga ng plumang naging kaisa ng iyong kaluluwa,
minsang pag-aasam na makasayaw ka sa kalawakan,
kasiping ng mga bituing kumikindat sa reyna ng kanilang kaharian,
makayakap habang nakahimlay sa mga neblina ng makulimlim na umaga,
minsang pag-aasam na tanging ang tinta ng pluma at ang aking nagnanasang utak ang makakapagsakatuparan...
the end... =)
1 comment:
I understand you. Wawa naman po. I just wish that i will never be booted out at the last minute in Komikon 2007.
In your case, well, it will come back to them, one way or another. At least you did your best.
Post a Comment